FAQs

Frequently Asked Questions

1. ፋይዳ ብሔራዊ ዲጂታል መታወቂያ ምንድን ነው?

ፋይዳ ብሔራዊ ዲጂታል መታወቂያ ግለሰቦች ማንነታቸውን እንዲያረጋግጡ እና ኢኮኖሚያዊ ፣ማህበራዊ እና ዲጂታል አገልግሎቶችን እንዲያገኙ የሚረዳ የተማከለ መሠረት መታወቂያ ስርዓት ነው::

2. የፋይዳ ዲጂታል መታወቂያ ጠቀሜታ ምንድነው?
  • ለአገሪቱ የተማከለ መሠረታዊ መለያ ሥርዓት ለመዘርጋት
  • ፍትሃዊ የሆነ ትክክለኛ የማንነት ማረጋገጫ
  • በተለያዩ ዘርፎች አገልግሎት ለማግኘት አካታችነትን ይፈጥራል
  • ከማንነት ስርቆት ወይንም ከመጭበርበር እራስን ለመጠበቅ
  • በአገልግሎት ሰጪ እና በተጠቃሚው መካከል መተማመንን በእጅጉ ያዳብራል
  • በሁሉም የአገሪቱ ኢኮኖሚያዊ እና ማህበራዊ እንቅስቃሴዎች ውስጥ ተጠያቂነትን እና ግልጽነትን ያበረታታል
3. ለፋይዳ ዲጂታል መታወቂያ ብቁ የሆነው ማነው?

ኢትዮጵያ ውስጥ የሚገኝ ህጋዊ ነዋሪ በሙሉ ለፋይዳ ዲጂታል መታወቂያ ብቁ ነው።

4. የፋይዳ ዲጂታል መታወቂያን የት ማግኘት እችላለው?

በድረገጻችን https://id.gov.et/locations/ በሚያገኙት ጊዜያዊ መመዝገቢያ ጣቢያዎች መጎብኘት ወይም የብሔራዊ መታወቂያ ቢሮን ማግኘት ይችላሉ።

5. የፋይዳ ዲጂታል መታወቂያ የቀበሌ መታወቂያን ይተካል?

አይተካም፤

የከተማ እና የክልል የመንግስት ነዋሪ መታወቂያ ካርዶች (የቀበሌ መታወቂያ በመባልም ይታወቃል) የሚሰጡት በአካባቢ አስተዳደር ነው። ነገር ግን “ፋይዳ” ዲጂታል መታወቂያ በአገር አቀፍ ደረጃ ይሰራሉ። ሁለቱም “ቀበሌ” እና “ፋይዳ” እጅ ለእጅ ተያይዘው እንዲሰሩ የማድረግ ስራ እየተሰራ ነው።

6. የፋይዳ ዲጂታል መታወቂያ ከቀበሌ መታወቂያ ጋር ያለው ልዪነት ምንድነው?
  • ዲጂታል መታወቂያ ማንነትን የሚያረጋግጥ መሠረት መታወቂያ ሲሆን የቀበሌ መታወቂያ ግን ተግባራዊ መታወቂያ ነው።

  • ዲጂታል መታወቂያ የመኖሪያ አካባቢ ገደብ ሳይደረግበት በሀገሪቱ ውስጥ በየትኛውም ቦታ በተፈቀደ አካል ሊሰጥ የሚችል የአንድ ሰው ልዩ መለያ ነው። በአንፃሩ የቀበሌ መታወቂያ ሊሰጥ የሚችለው በሚኖርበት ቀበሌ ብቻ ነው።

7. የፋይዳ ዲጂታል መታወቂያን ለማግኘት ምን ያህል ያስከፍላል?
  • የፋይዳ ዲጂታል መታወቂያ ከክፍያ ነጻ ነው። 
8. ኦንላይን ቅደም-ምዝገባ ማድረግ እችላለው?

አዎ ፤ በዊብሳይታችን https://id.et ላይ በመግባት የቅድመ-ምዝገባ አድርገው ቀጠሮ መያዝ ይችላሉ።

9.የፋይዳ ዲጂታል መታወቂያ ለመመዝገብ ምን ያህል ደቂቃ ይፈጃል?

የፋይዳ ዲጂታል መታወቂያ ምዝገባ በአማካኝ ከ5 እስከ 10 ደቂቃ ይፈጃል።

10. የፋይዳ ዲጂታል መታወቂያ በምን ያህል ጊዜ ይደርሰኛል?

ዲጂታል መታወቂያ ለማግኘት በአማካይ ከ3-5 የስራ ቀናት ይወስዳል። የጽሑፍ መልእክት ከሳምንት በላይ ካልደረሰዎት እባክዎን የቅደመ ምዝገባ ቁጥርዎን በ info@id.gov.et  ይላኩ ወይም  ቢሯችንን https://id.gov.et/contact/  በመጎብኘት ጥያቄዎን ያቅርቡ። 

11. ከተመዘገብኩ በኃላ መረጃዬን ማስተካከል እችላላሁ?

የእድሳት አገልግሎት ማጀመራችንን ካሳወቅን በኃላ ማንኛውም ሰው በማንኛውም ጊዜ ዴሞግራፊክ መረጃውን ህጋዊ ማረጋገጫ በማቅረብ ማደስ ይችላል።

12. ለመመዝገብ አስፈላጊ የሆኑ መረጃዎች ምን ምን ናቸው?

A valid proof of current address and proof of identity is required for registration. 

አሁን ላይ የሚኖሩበት ትክክለኛ አድራሻ እና የማንነት ማረጋገጫ ያስፈልጋል።

እንደ፦ 

  • ቀበሌ መታወቂያ
  • ፓስፖርት
  • መንጃ ፈቃድ እና
  • ማንኛውም በመንግስት ተቀባይነት ያላቸው ሰነዶች

አንድ ግለሰብ ለመመዝገብ ትክክለኛ ሰነድ ማቅረብ ካልቻለ አስቀድሞ ዲጂታል መታወቂያ ካለው ሰው የምስክርነት ቃል አምጥቶ መመዝገብ ይችላል።

13. የፋይዳ መታወቂያ (FIN) ከጠፋ እንዴት መልሶ ማግኘት ይቻላል?

ግለሰቦች በአቅራቢያቸው የሚገኘውን የመመዝገቢያ ማዕከል ወይም ዋና መ/ቤት በመጎብኘት የዴሞግራፊክ እና የባዮሜትሪክ መረጃዎችን በመስጠት የፋይዳ መታወቂያ ቁጥራቸውን መልሰው ማውጣት ይችላሉ።

14. ለፋይዳ ዲጂታል መታወቂያ መመዝገብ ግዴታ ነው?

የፋይዳ ዲጂታል መታወቂያ መብት እንጂ ግዴታ አይደለም።

15. የውጭ ሀገር ዜጎች ዲጂታል መታወቂያ ማግኘት ይችላሉ? መስፈርቶቹ ምንድን ናቸው?

አዎ ፤ ኢትዮጵያ ውስጥ በህጋዊ መንገድ የሚኖሩ የውጭ ሀገር ዜጎች የነዋሪነት መታወቂያቸውን ወይም ሌሎች ተዛማጅ ሰነዶችን በመጠቀም ዲጂታል መታወቂያ ማግኘት ይችላሉ።

16. የፋይዳ የዲጂታል መታወቂያዬ የአገልግሎት ማብቂያ ጊዜ አለው?

የዲጂታል መታወቂያ ለግለሰቡ ልዩ የሆነ የህይወት ዘመን ቁጥር ነው።

17. በክልል ደረጃ መመዝገብ የምትጀምሩት መቼ ነው?

በሚቀጥለው 1 አመት ሁሉም የክልል ዋና ከተሞች እና አንዳንድ የከተማ ማእከሎች ተደራሽ ይሆናሉ።

18. የታተመውን ዲጂታል መታወቂያ ካርድ እንዴት ማግኘት እችላለሁ?

እባክዎን በካርድ ህትመት ላይ ዝርዝር መረጃ ለማግኘት https://id.et/strategy/  ይመልከቱ።