ዲጂታል መታወቂያ ከየት ማግኘት ይቻላል?

ብሄራዊ መታወቂያ በመንግስትና መንግስታዊ ባልሆኑ ዘርፎች የሙከራ ምዝገባን ሲሰራ የቆየ ሲሆን በተለያዩ ዘርፎች መመዝገቡን ይቀጥላል።

    • የፋይናንሺያል ዘርፎች፡ ባንኮች፣ እንደ PSNP ያሉ የፋይናንሺያል ሴክተሮችን ማካተት
    • የትምህርት ዘርፎች: ዩኒቨርሲቲዎች
    • ቴሌኮሙኒኬሽን፡ ኢትዮ-ቴሌኮም፣ ሳፋሪኮም
    • ሲቪል ሰርቪስ፡  የአዲስ አበባ ከተማ አስተዳደር፣ የሰነዶች ማረጋገጫ እና ምዝገባ፣ የወሳኝ ኩነቶች ምዝገባ፣ የትራንስፖርት
      ሚኒስቴር ወዘተ
  • መስፈርቱን የምታሟሉ ተመዝጋቢዎች በጄኔራል ዊንጌት ሴንት አካባቢ ከአብረሆት ብሔራዊ ቤተመጻሕፍት ቀጥሎ አራት ኪሎ ሒልኮ ህንፃ ሶስተኛ ፎቅ የሚገኘውን የብሔራዊ መታወቂያ ዋና መ/ቤት መጎብኘት ይችላሉ። ለበለጠ መረጃ https://id.gov.et/contact/ ይጎብኙ

የምዝገባ ሂደት

የዲጂታል መለያ ቁጥር ለማግኘት እባኮትን ከታች ያሉትን መስፈርቶች ያሟሉ

 

  • ብቁ ተመዝጋቢ፡ለዲጂታል መለያ ቁጥር ብቁ የሆነው ማነው?
    • በሕግ ከተደነገገው የዕድሜ ገደብ በላይ የሆነ ማንኛውም ተመዝጋቢ መመዝገብ እና የዲጂታል መታወቂያ የማግኘት መብት ይኖረዋል።
      እንዲሁም በኢትዮጵያ ውስጥ ነዋሪ ያልሆኑ ዜጎች ማንነታቸውን/ነዋሪነታቸውን የሚያረጋግጡ ህጋዊ ሰነድ እስካቀረቡ ድረስ
      ይመዘገባሉ። ከዕድሜያቸው በታች ያሉ ህጻናት በአጃቢ ወላጆች ወይም ህጋዊ አሳዳጊዎች መመዝገብ ይችላሉ።
  • በአቅራቢያዎ የሚገኘውን የምዝገባ ቢሮ ይጎብኙ፡- ብቁ ከሆኑ በኋላ ቅርብ ወደሚገኛው የብሔራዊ መታወቂያ የምዝገባ ቢሮ መጎብኘት ይችላሉ።
    ከህዳር 24 ቀን 2022 ጀምሮ ጊዜያዊ የመመዝገቢያ ማዕከላችንን በሚሊኒየም አዳራሽ ይጎብኙ።
  • ስምምነትን ይፈርሙ ብቁ የሆኑ ተመዝጋቢዎች ዴሞድራፊክ እና የባዮሜትሪ መረጃቸውን ለመስጠት ፈቃደኛ መሆናቸውን የሚያሳይ የፈቃደኝነት ቅጽ መሙላት እና መፈረም ይጠበቅባቸዋል።

  • ማንነትን ያረጋግጡ ለመመዝገብ ብቁ የሆኑ ተመዝጋቢዎች ማንነታቸውን የሚያረጋግጡ እንደ ቀበሌ መታወቂያ፣ፓስፖርት፣የልደት ሰርተፍኬት፣መንጃ ፍቃድ ወዘተ የመሳሰሉ ህጋዊ መለያ ሰነዶችን በማቅረብ ማንነታቸውን ማረጋገጥ ይጠበቅባቸዋል። [https://id.gov.et/requirements-to-register/]
  • የስነሕዝብ መረጃ መሰብሰብ : በሂደቱ ውስጥ ተመዝጋቢዎችን በልዩ ሁኔታ ለመለየት በጣም አስፈላጊ የሆኑት ዝቅተኛው የስነ-ሕዝብ መረጃ ባህሪያት ይሰበሰባሉ
  • የባዮሜትሪክ መረጃ ስብስባ፡- ደረጃውን የጠበቀ ባዮሜትሪክ መረጃ የሚሰበሰበው ባዮሜትሪክን ለመያዝ ሶስት መሳሪያዎችን በመጠቀም ነው። [https://id.gov.et/dataset/]
    የጣት አሻራ (4-4-2 ጣቶች) የዓይን ብሌን አሻራ (ሁለቱም ዓይኖች) እና የፊት ፎቶ
  • የፋይዳ ቁጥር ያግኙ (ልዩ መለያ ቁጥር) በተሳካ ሁኔታ ከተመዘገቡ በኋላ, ተመዝጋቢዎች የምዝገባ ዝርዝሮችን የማረጋገጫ ህትመት ይቀበላሉ, እና በኋላ ልዩ መለያ ቁጥር FAYDA ቁጥር ይወጣል. ተመዝጋቢዎች FAYDA (ልዩ መለያ ቁጥር) በጽሑፍ መልእክት ይደርሳችዋል።

የምዝገባ ቦታዎች

አማርኛ